Androsuperior

 🦸

Androsuperior es karakter glori ot biblopituresmulti. Ili espresen pas temkia anu 1938. Poste na, ili espresen in pituressine e rekre multi.

Amsir Neo

 🏔

Amsir Neo es uni nasion a ante-destrafas ot Nasion Uni ot Amerika. Ili es uni ot ses nasion ot lokal Englan Neo.

urbansefal: Konkord
urban maga plasuni: Mansester
maga: 24 000 milmetri²
antropdom: 1 400 000
nasion numer: 9 (1788)
logodistinge: "nasion ot litodur"

Sistemkomon

 ☭

Sistemkomon es ide ot politik, na es basi peri omo ot antrop tuta, e na optikpro Geo abene klasmulti ot grupsosial omone. Ilis logo, na stof - omo domfakto, organergo e agri (relasion ot produk) - es abe per antroppluto. Ilis fide, na dis kaus futur fini ot dola e abegeo.

Mars, Karl

 Mars (1818-1883) es pas androide peri politik ot Germani, na graf peri ekonomi e politik. Mars ide pas, na sosial debelop per pasine inter klasmulti ot antrop. Mars fide, na nul klas ot antrop - antropergo o antropabe e omone plus - inergo abe autorite sur klas omone. Ili fide, na antroptuta obliga don na, ilis inergo don, e antroptuta obliga resep na, ilis nesesa. Libro kones plasuni ot ili es "Presen Sistemkomon". Ili graf libro kon Engels anu 1848. Biblo es peri ide e estrem multi ot Sistemkomon.

korbu

 https://simple.wikipedia.org/wiki/Crow

Korbu, o simple orinnegro, es in famili siense "Corvidae". Ilis es ot metri medi a maga, e fag karni e stofaksepne.

Irelan Antefas

 Irelan Antefas es uni ot kuadri nasion, Nasionroi Uni konten. Ili es a nesia Irelan.

urban sefal e maga plasuni: Belfast

maga: 14 000 milmetri²

antropdom: 1 900 000

Irelan (nesia)

 Irelan es nesia a marimaga Atlantik antefas. Nesia konten bi nasion: Republik Irelan e Irelan Antefas. Plus je kuinti milionantropdom dom pas a nesia anu 2023.

Irelan (nasion)

 

Irelan o Irlan es nasion ot Europa a nesia Irelan. Ili abe limit kon nasion Irelan Antefas (na es parti ot Nasionroi Uni).

urban sefal e maga plasuni: Doblin

maga: 70 000 milmetri² (plas 118)

antrop: 5 000 000 (plas 124) (anu 2020)

Demonasionuni ot Amerika

 🪶

Demonasionuni ot Amerika, o Demoindiamerika, es demo basi, na es a bi Amerika, ante demoeuropa aribe pas, e infanmulti ot ilis.

Sistemsosial

 👷

Sistemsosial es sistem ot ekonomi, per na busines es abe per antropergo in plas ot bisines publikne. Ili es omone ot sistemgain, per na antrop publikne, tipi antropabe ot bisines e antropstok, abe medisin ot fakto. Nasion je inergo omo a antropsistemgain, per abe medisin ot produk, e per sefal ekonomi. Antropsistemsosial fide, na antropsistemgain abe medisin ot produk, es tipi ot priseks, akaus ili let, na ili abe parti maga ot ergo, antropergo akto, benkia antropabe ergo ne. Antropsistemsosial fide, antropergo ilisauto inergo abe e direk ergo. Sistemsosial es omo a Sistemkomon, benkia bi ilis abe legamulti sosial-ekonomi omone, na es akto per antropdom e goberna.

Franse Neo

 ⚜

Franse Neo es pas koloni ot Amerika Antefas, na es pas dom per nasion Franse. Urbansefal es pas urban Kebek. Nasion na es pas balor akaus bisines per dermakapilajo.

Briten e Franse disput pas peri dis: lokal es ot Franse o Briten. Franse perdi pas koloni intem batal Franse e Indian.

Iuta

 Iuta es nasion ot Nasion Uni ot Amerika. Tempas ili es kones omo geoparti Iuta. Ili es aksep a uni intem anu 1896 omo nasionamerika 45.

urban sefal e maga plasuni: Urban Lak Sal
maga: 220 000 milmetri²
antropdom: 3 300 000 (anu 2020)

Jelan Neo

 

Nasionkomon ot Jelan Neo es nasion-nesia ot Oseani. Ili es nasion independen a parti poste-destranefas ot marimaga Pasi.

Ili konten bi nesia maga (Nesia Antefas e Nesia Postefas) e nesiamulti mikro. Jelan Neo es uni ot partimulti fini ot Geo, antropeuropa tuta eureka, akaus ili es tele ot parti maga ot Geo.

Inka

 Demo Inka es pas uni nasion e imper a grupmonta Andes ot Amerika Postefas ante Kolombo aribe eureka Amerika.

Ili es pas imper maga plasuni a bi Amerika, e es maga konser kon metri ot Geo komple. Ili dur pas intem 100 anu, sura ili es prisforse per androbatalmulti ot Espana anu 1532.

batonidrojele

 🏒

Batonidrojele es sporti, na es rekre per bi personel sur idrojele. Androsporti abe protekpodidrojele a pod, e inergo paso sur idrojele per belo. Androsporti abe batonidrojele, ilis usa pro sine disko ot gom rigid peri agri ot idrojele. Androsporti gain numermulti per bali disko per baton in diktio; uni androsporti inergo stop disko. Ses androsporti in personel rekre sur idrojele, sed personel komple abe plus je 20 androsporti.

Argentina

 

Republik Argentina es uni nasion a Amerika Postefas. Argentina es nasion maga plas bi ot Amerika Postefas, e nasion plas okta ot Geo komple.

urban sefal e maga plasuni: Buenos Aires

maga: 2 800 000 milmetri²

antrop: 43 000 000 (anu 2014)

Serpenmari

https://simple.wikipedia.org/wiki/Sea_monster

https://simple.wikipedia.org/wiki/Sea_serpent

 👾

Serpenmari es grafperi in numer ot istori fidene: Mesopotami, Juda-sistemkristo ("lebiatan"), Gres, e Europa antefas ("kraken").

Antrop multine ide, na serpenmari es berita. Antropmulti omone logo, na ilis es berita per nuli medisin.

Stofbio multine inergo optikomo serpenmari, omo sefalopod gigan.

Peri Geo komple intem oktadeka Jur

 "Peri Geo komple intem oktadeka Jur" es biblo paleo peri turis per Jul Bern. Ili es pas publik anu 1873. Ili es peri andro kon nam Fileas Fog. Ili kon androserbis neo Pasporto turis peri Geo komple intem oktadeka jur pro gain dibinarekre ot 20 000 grammetalag, na es pas fakto per filomulti ili a grupsosial Optikre. Biblo es uni ot ergo konesben ot Bern.

Ni inergo lektur biblo abrebi tele per Frater e lingua Englan dis.

Polpostefas

 Polpostefas es geo postefas plasuni e kon numer ot antropdom plasunine. Ili es a polpostefas. Ili es a postefas komple telenetuta ot peri Atlantik. Peri ili, abe marimaga Polpostefas.

Pasi (marimaga)

 🌏

Marimaga Pasi es marimaga maga plasuni, e kober unisurtri ot fas ot Geo komple.