Enrik Androdireksionmari (1394-1460) es pas infanandroroi ot nasion Portugal. Ili es pas nam "Dom Henrique" per lingua ot Portugal. Ili ergo pas temnul in sip. Ili resep pas nam, akaus institut pas turismulti mari, intem geo neo es eureka. Ili es kones omo andro, na komen pas "Tem ot Eureka"." Ili ober pas domstudi ot turis per mari a nasion Portugal, prona tekni e organmulti mari e sipmulti es fakto ben.
Tsen He (1371-1433) es pas androeureka, androdiplomas e sefalarmemari ot Sina. Ili es pas sefal ot grup ot sip multi tele, na turis dia marimaga Indi tuta e Asia poste-destranefas. Ili es pas androgoberna ot imper Sina. Grup ot navi multi; ili order, abe pas 317 sip; na es maga tele. 28 000 androbatal es pas in sip multi dis. Temkia turis multi, ili don pas a nasion multi; ili bisit, stofdon ot silka, kristalsina e pulbefusil. Ili resep pas je stofdon multi komonne.
Tasman (1603-1659) es pas androeureka mari ot nasion Nederlan. Ili eureka pas nesiamulti Jelan Neo e Tasmani, intem bi turis anu 1642 e 1644, intem serbis pro bisines Nederlan Indi Destrafas. Ili fakto plus optik plasuni ot istori ot parti multi ot Australi. Turis anu 1642-1643 turis nata peri stenone Australi, postetem nata a nesia Jelan Neo e natare a antefas ot nesia Gine Neo, Tasman eureka pas, na Australi es ne uni kon geo, na es kober per idrojele peri polpostefas, na temmultine es kones je Australi. Prona Tasman kones pas, na ili es geo separa maga. Ili nam geo "Olan Neo". Androeureka Kuk nam pas postetem lokal "Wels Neo Postefas".
Skot (1868-1912) es pas stratego ot siparme ot Briten e androeureka, na morta intem turis a polpostefas.
Samplen (1567?-1635) es pas sefalsip, androkarto, androplandesin, androarme, androeureka, andrografgeo, andrografperidemo, androdiplomas, androarkiv. Ili es kones "pater ot Franse Neo". Ili basi pas urban Kebek 1608. Lak in nasion Iork Neo es nam pro ili.
Ponse de Leon (1460-1521) es pas andronoble, androeureka, e androgoberna ot nasion Espana. Tem optik pro metalau e basiidro ot jube, ili geo pas a poste-destrafas limit ot Amerika Antefas ot telene urban temdis Santa Augustin ot nasionamerika Florida. Ili demandestra pas geo pro Espana, e nam ili "la Florida" (lokal ot flor multi"). Anu 1521 tem turis bi a Florida, ili es pas trauma intem atak. Grupturis aribe a nesia Kuba, plaskia ili morta Lunanona ot 1521 akaus trauma.
Turis espedi ot Luis (1774-1809) e Klark (1770-1838), es pas ot bi andro, sefal ot Nasion Uni ot Amerika Jeferson elek pas pro esamin geo ot akiri Luisiana, nasion ili akiri ot nasion Franse. (Geo na es fakto ot geo, na es temdis parti multi ot NUA medi e destranefas.) Ilis paso pas ot urban Santa Luis anu 1804, temkia sefal grup ot 33 andro. Grup gain pas marimaga Pasi anu 1805, temkia esamin parti maga ot destranefas a rut, e graf na, ilis optik. A rut, ginegeneamerika Sakakauea uni ilis, e asista sefal ilis, e mutalingua pas pro ilis. Ilis aribere pas anu 1806.
Libinston (1813-1873) es pas andromedisin-angelkristo ot nasion Skotlan ot Sosial angelkristo ot urban London. Libinston desir pas es angelkristo, sed ili inergo ne ormon antrop multi pro muta a sistemkristo. Prona ili esamin e karto pas parti ot Afrika postefas e destrafas. Ili don pas nam a kataraktaidro Biktori. Ili nam pas kataraktaidro pro roigine ot ili, Biktori.
Kuk es pas androoptikpro, sipsefal e androkarto briten. Ili beil pas dia marimaga Pasi tritem, e fakto pas karto ot lokal e nesia multi tem uni. Ili es pas andromari briten, na bisit limitmari destrafas ot Australi e nesia Auai. Ili fakto pas karto uni ot Nufonlan e Jelan Neo.
Ili beil pas peri Geo bitem. Ili paso pas dia Peri ot Polpostefas, e bisit pas nesia multi ot Amerika Antefas e marimaga Pasi postefas. Kuk es pas eksbio ot androauai, temkia disput peri klepto ot sipmikro
Kartier (1491-1557) es pas androbisines e androeureka ot nasion Franse. Ili es pas gene a Britani (postetem na es pas parti ot Franse) anu 1491, e bio pas asur anu 1557. An beil pas a Kanada tritem. Ili es pas androeuropa uni, na optik nesia Infanroi Eduard e potam Santa Loren.
Kabot, Jon (1449?-1499) es pas sefalsip e androeureka ot nasion Itali. Anu 1947, tem beil a destranefas ot nasion Englan in sip "Matiu", ili geo pas a lokal, ili ide es Asia. Berita, ili aribe pas a Amerika Antefas, a lokal, na es Kanada destrafas temdis. Ili demandestra lokal pro roi Enri 7. Ili geo pas a lokal, na es kones je urban Bonavista, Nufonlan, urban a destrafas masima ot nasion Kanada. Ili morta a Englan anu 1499.
Erikson (970?-1020?) es pas androeureka bikin ot Islan e Grenlan. Ili es pas androeuropa uni, na turis a Amerka Antefas (Nufonlan?).
Elkano (1476-1526) es pas androbaski, na es androeureka pro nasion Espana. Ili fini turis peri Geo tuta, na es pas komen per Majelan 1519. Poste morta ot Majelan 1521, Elkano es pas sefal ot espedi, e komple pas turis a Espana 1522. Turis dis proba, na Geo es peri. Elkano es pas surpris, na ili perdi pas uni jur, temkia ili beil peri Geo.
Elkano morta pas akaus nesesabitamin temkia turis omone 1526.
Da Berasano (1485-1528) es pas androeureka ot nasion Itali, na ergo pro nasion Franse. Ili es kones androeuropa uni, na eureka pas limitmari destrafas ot Amerika Antefas. Ili eureka pas ot Karolina Postefas e Antefas a nesia Nufondlan 1524. Berasano morta pas temkia turis.
Burk e Uils es pas bi sefal ot expedi (1860-1861); na paso dia Australi ot antefas a postefas. Ilis paso pas sura limitmari postefas, promulti ilis morta pas akaus nesesafag, temkia ilis pasore.
Lingua Sistemfrater es lingua, na es pas fakto per Pam Suan Tai ot Bietnam intem anu 1957. Ili es lingua simple kon gramatik simple e lis...
